काठमाडौं । एनसेल र सामसङ नेपालबीच सामसङ ग्यालेक्सी एस२४ सिरिजका स्मार्टफोन खरिदमा विशेष अफरका लागि साझेदारी भएको छ ।
साझेदारी अन्तर्गत एस२४ सिरिज किन्न अग्रिम बुकिङ गर्ने सुरुका पाँचसय जना ग्राहकले आफ्नो इच्छाअनुसार एनसेलको ‘स्पेसल लक्स नम्बर’ लिन पाउने भएका छन् ।
सामसङ गत साताको शुक्रबारदेखि नै नेपालमा ग्यालेक्सी एस२४ सिरिजका स्मार्टफोनको अग्रिम बुकिङ खुला गरेको छ।
अग्रिम बुकिङ गर्ने ग्राहकले प्रिमियम नम्बरका साथै हरेक दिन ६ महिनासम्म ७० मिनेट अल नेट भ्वाइस, ७०० एमबी डेटा र ७० एसएमएस निःशुल्क पाउने भएका हुन् ।
एनसेलका चिफ कमर्सियल अफिसर उमेर मोहसिनले अग्रिम बुकिङमा एनसेलका प्रिमियम नम्बर प्रदान गर्ने भन्दै ग्यालेक्सी एस२४ सिरिज विशेष भएको बताए ।
ग्यालेक्सी एस२४ सिरिजका फोन प्रिबुक गर्न यो वेबसाइटमा जान सकिन्छ । यसबाहेक आफ्नो नजिकैको सामसङ फोन स्टोरमा गएर पनि फोन प्रिअर्डर गर्न सकिने कम्पनीले जनाएको छ ।
अग्रिम बुकिङ माघ २३ सम्म वा स्टक रहँदासम्म खुला रहने कम्पनीले जनाएको छ ।
-1749010126.jpg)
